मंगळागौरीची आरती
Mangla Gauri Aarti
मंगळागौरीची आरती
( Mangla Gauri Aarti )
जय देवी मंगळागौरी ।
ओंवाळीन सोनियाताटीं ।।
रत्नांचे दिवे । माणिकांच्या वाती । हिरेया ज्योती ॥ धृ ।।
मंगळमूर्ती उपजली कार्या ।
प्रसन्न झाली अल्पायुषी राया ।।
तिष्ठली राज्यबाळी ।
अयोषण द्यावया ।।१।।
पूजेला ग आणिती जाईजुईच्या कळ्या ।
सोळा तिकटीं सोळा दूर्वा ।।
सोळा परींची पत्री ।
जाई जुई आबुल्या शेवंती नागचांफे ।।
पारिजातकें मनोहरें । नंदेटें तगरें । पूजेला ग आणिली ।।२।।
साळीचे तांदुळ मुगाची डाळ ।
आळणीं खिचडी रांधिती नारी ।।
आपुल्या पतीलागीं सेवा करिती फार ।।३।।
डुमडुमें डुमडुमें वाजंत्री वाजती ।
कळावी कांकणें गौरीला शोभती ।।
शोभली बाजुबंद । कानीं कापांचे गवे । ल्यायिली अंबा शोभे ।।४।।
न्हाउनी माखुनी मौनी बैसली ।
पाटाबाची चोळी क्षीरोदक नेसली ।।
स्वच्छ बहुत होउनी अंबा पुजूं लागली ।।५।।
सोनिया ताटीं घातिल्या पंचारती ।
मध्यें उजळती कापुराच्या वाती ।।
करा धूप दीप । आतां नैवेद्य षड्स पक्वानें । तटीं भरा बोनें ।।६॥
लवलाहें तिघें काशीसी निघाली ।
माउली मंगळागौर भिजवूं विसरली ।।
मागुती परतुनीयां आली ।
अंबा स्वयंभू देखिली ।।
देउळ सोनियाचे । खांब हिरेयांचे । कळस वरती मोतियांचा ।।७।।
हे पण वाचा :- हरतालिकेची आरती
तुम्हाला मंगळागौरीची आरती | Mangla Gauri Aarti ही माहिती नक्कीच आवडली असेल तर मग आपल्या प्रियजनाना शेअर करा.
तुम्हाला मंगळागौरीची आरती | Mangla Gauri Aarti ही माहिती नक्कीच आवडली असेल तर मग आपल्या प्रियजनाना शेअर करा.
The Study Katta Team
No comments:
Post a Comment
Please do not enter any spam link in the comment box